Du kesên din ji bo ‘Hînker’ê hatin desteserkirin
Di çarçoveya lêpirsîna Serdozgeriya Komarî ya Stenbolê de, nivîskarên Kurd Mevlut Aykoç, Samî Tan û Ronayî Onen bi hinceta pirtûka Hînkerê ku di sala 2010an de çap bûbû, duh hatibûn desteserkirin.
Nivîskarên Kurd Mevlut Aykoç, Samî Tan û Ronayî Onen duh di çarçoveya lêpirsîna Serdozgeriya Komarê ya Stenbolê de di serdegirtinên malan de hatin desteserkirin.
Ji ber pirtûka perwerdehiyê ‘Hînker’ê sê nivîskarên Kurd hatin desteserkirin
Pirtûka hînkirina zimanê Kurdî “Hînker” di sala 2010ê de bi bandrol derketibû.
Di çarçoveya heman lêpirsînê de îro jî Îzzet Çinar û Şukran Çinar li Stenbolê di serdegirtinên malan de hatin desteserkirin. Kesên hatin desteserkirin, birin Rêvebiriya Emniyetê ya Stenbolê.
Li gorî nûçeya Ajansa Mezopotamyayê li bende ne ku îfadeyên Mevlut Aykoç, Îzzet Çinar û Şukran Çinar ên li Emniyetê , bên girtin.
(AY)
