Salih Kevirbiri

Çendek berê li Alma Atayê, çûm cihê ku lê radizê. Ez li ber kêlên kevirên wî, careke din di dilê xwe de pê re axivîm. Min hîs dikir ku dîsa guhdariya min dike. Vê carê serdaneke cuda bû.

Dilovan ev gotin li ser rewşa ku ‘Mîrê Bilûrê’ tê de bû ji min re kirin: ‘...Li cîhanê mezintirîn kes e di warê mey û bilûrê de. Bi şeref îro Egîdê Cimo li mala xwe, bi tena serê xwe ye û birçî ye. Çendek berê ez çûm mala wî, ji ber ku heqê ceryana (elektrîk) xwe nedabû, ceryana wî hatibû birîn. Bi halê xwe yê nexweş, di tarîtiyê de di nava livînan de dinaliya..!’