Mistoyê Heco

Wêneyek an jî xeyaleke şêlîkirî bû ev; di rabirdûyeke mêj de maye û kêm caran zelal e. Wêneyek bû û gereg di wextê xwe de bihata girtin, belam nehatibû girtin. Xeyalek bû û bi livên hîsterîk direqisî, belam westa jiyanê xistibû paxila xwe û pê ker bûbû, deng jê dernediket.

Ji naqosa barûya saetê ya Big Bangê careke dinê deng nehat. Lêneda. Û min dîsa pê nikanî ku vê çîrokê bigihînim derveyî rastî û nerastiyê. Nizam çi bikim. Dawî bi wê roja dirêj jî hat. Diyar e ku ev çîrok ji vir re jî naçe serî. Lê çima?