Qeyûm

Piştî ku Hevşaredarên Sarûcanê, Bajaroka Elezîzê hatin desteserkirin, Wezareta Karûbarên Navxweyî qeyûm ji bo vê şaredariyê tayîn kiriye.

Hatîce Çevîk, Hevşaredara Pirsûsê ya ku qeyûm li şûna wê hatibû tayîn û bi îdiaya ku “endama rêxistinê ye” hatibû kirtin, tehliye bûye.

Polîsan bi ser mala Hatîce Taş, Hevşaredara Bajaroka Awîskê de girtiye û ew desteser kirine. Taş ji wezîfê hatibû dûrxistin. Tevlî Taşê 7 kes hatine desteserkirin.

Rexistina Bajarê Enqereyê ya HDPyê çalakiyek ji bo protestokirina wezîfedarkirina qeyûman ser şaredariyên xwe pêkanîbû. Polîsan midaxeleyî çalakiyê kiribû û gelek HDPyî bi lêdanê desteser kiribûn.

Roja îniyê qeyûm ji bo şaredariyên Sêrt, Hawêl, Misircê, Vartînîsê û Îdirê hatibû wezîfedarkirin. Yaşar Akkûş, Hevşaredarê Îdirê hatiye girtin.

Mîthat Sancar, Hevserokê Giştî yê HDPyê bertek nîşanî wezîfedarkirina qeyûman ji bo pênc şaredariyên HDPê daye û wiha gotiye: “Plana desthilatdarê ya derbeyê didome. Şaredarî hedefa wan a yekem û herî girîng e. "

112 rêxisinên sivîl ji bo piştgiriya bi Hevşaredarên Qersê daxuyaniyeke nivîskî weşandine û gotine,”Em bang li her kesî û li her saziyê ên alîgirê demokrasiyê dikin ku ji bo êrîşên li dijî Şaredariya Qersê bêdeng nemînin.”

Bi tohmeta ku “ propagandaya rêxistinê kiriye” doz li Selçûk Mizrakli, Hevşaredarê Bajarê Mezin ê Amedê hatiye vekirin.

Qeyûmê ku ji bo ser Şaredariya Êlihê hatibû tayînkirin, zimanzan Zana Farqînî ji kar derxistîye. Herweha Farqînî derbarê derxistina xwe ya ji kar de gotiye, weke derbeyeke li dijî ziman, çand û hunera kurdî.

Nalan Ozaydin, Hevşaredara Şemrexê ji ber gumana nexweşiya Covid-19ê hatiye tehliyekirin.

Koordînasyona Heskîfê diyar kirîye, ku tayînkirina qeyûm ji bo Şaredariya Êlihê rasterast bi projeya Bendava Ilisûyê û projeyên HESê ve girêdayî ne û gotîye: “Texrîbatên qeyûmên berê ku hatibûn tayînkirin li peyî xwe hêştîye nîşaneya vê yekê ye.”

Wezareta Karûbarên Navxweyî li şûna 8 şaredarên HDPyê qeyûm wezîfedar kirine.

Li gorî daxuyaniya HDPyê Hevşaredarên Êlihê Mehmet Demîr û Songul Korkmaz, Hevşaredarê Farqînê Naşîde Toprak, Hevşaredarê Erxeniyê Ahmet Kaya, Hevşaredarê Gêlê Mûstafa Akkûl û Belgin Diken, Hevşaredara Yenîşehîrê ya ku qeyûm tayînî şûna wê hatibû kirin hatine desteserkirin.

Konseya Navendî ya TTByê li Amedê civiyaye û daxwaza serbestiya Selçuk Mizrakli, Hevşaredarê Bajarê Mezin ê Amedê kiriye.

Wezareta Karûbarên Navxweyî ji bo Şaredariya Kop, Gimgim û Erentepeyê ya Mûşê û ji bo Şaredariya Ûrlayê ya Îzmîrê qeyûm wezîfedar kiriye.

Hevşaredara Qoserê, Nilufer Elik Yilmaz hatiye girtin. Elik Yilmaz 12ê Kanûna Pêşiyê(meha 12.) hatibû desteserkirin.

Nilufer Elik Yilmaz, Hevşaredara Qoserê hatiye desteserkirin. Demeke berê li şûna Hevşaredara HDPyî qeyûm hatibû wezîfedarkirin.

Di Rapora Binpêkirinên Mafan a HDPyê de, îsal 674 endam û rêveberên HDPyê hatine desteserkirin.

Hevşaredarê Bêgiriyê Yilmaz Şalan, Hevşaredarên Qelqeliyê Dîlan Orencî û Yakûp Amaç hatine girtin.

Hevşaredarên Bêgirî, Qelqelî û Elbakê hatine desteserkirin. Li Amedê jî Endama Meclisa Şaredariya Rezanê Naşîde Bûlûttekîn Can hatiye desteserkirin ku qeyûm tayînî şûna wê hatibû erkdarkirin.