ÎHD

DEDEFê li Şaxa Stenbolê ya İHDyê daxuyani daye û diyar kiriye, bi projeya ku di Avzêmên Mûnzûrê de tê pêkanîn dixwazin çanda me tune bikin û weha gotiye: “Mûnzûr azade, wê azad biherike.”

Atîlla Ozbey, Serokê ÎHDya Agiriyê û Emîn Yildiz, rêveberê komeleyê ji ber ku beşdarî daxuyaniyên çapemeniyê, xwenîşandan û civînan bûne, hatine desteserkirin.

Alî Boçnak, girtiyê nexweş ê 76 salî li Girtîgeha Panosê ya Agiriyê can daye. Boçnak di listeye ÎHDyê ya girtiyên nexweş de bû.

ÎHDya Amedê gotiye ku li Girtîgeha Jinan a Amedê, ji ber ku girtiyan stran bi kurdî strane, ceza li wan hatiye birîn.

ÎHDya Enqerê xwestiye ku Acûn Karadag, Alev Şahîn, Nazan Bozkûrt, Mehmet Dersûlû, Armagan Ozbeş û Mahmût Konûk, çalakvanên li Kolana Yukselê hatine desteserkirin, bila serbest bibin.

Li Colemêrgê ji 13 endamên Kongreya Civaka Demokratîk (KCD) 12 ji wan bi tohmeta ku “endamên rêxistinê ne” hatine girtin. Kesek piştî îfadeya li Midûriyeta Emniyetê serbest bûye.

ÎHDya Amedê diyar kiriye k udi 6 mehên destpêka sala 2020an de 769 kes hatine desteserkirin, 132 kes hatine girtin û hêzên ewlehiyê bi ser 638 mal û kargehan de girtine.

ÎHDyê diyar kiriye ku tedbîrên Covid-19ê biqasî hewce dike li girtîgehan nayên pêkanîn û li girtîgeha Mereşê pergala leşkerî li girtiyan perz dikin.