Zarok TV û Radyoya Erîvanê ji bo Cejna Zimanê Kurdî klîpek amade kirine

Zarok TV û Serwîsa Kurdî ya Radyoya Erîvanê, ji bo 15ê Gulanê Cejna Zimanê Kurdî klîpek amade kirine.

Her du saziyan strana Aram Dîkrani ya bi navê Ay Dil û strana Îlhamî Canî ya bi navê Zimanê Kurdî bi hev ve girêdane û ji nû ve çêkirine. Stran ji nû ve hatiye aranjekirin û bi dengê Tîtalê Keremî dest pê dike ku berpirsê Serwîsa Kurdî yê Radyoya Erîvanê ye.

Bixwîne - Guhdarên ezîz, êdî hemû stranên Radyoya Erîvanê li ser înternetê ne

Ji ber nexweşiya Covid-19ê ango vîrusa koronaya nû zarokan li malên xwe stran strane û paşê ev qeyd, hatine pevxistin û klîb di vê encamê de derketiye holê. (FD)