Ji bo nûçeya Tirkî bitikîne
Wezîrê karên derve, Mevlûd Çavûşoglûyî diyar kir ku Tirkiyeyê ji bo operasyona li Şingalê hatî kirin Rûsya û Amerîka agehdar kiriye.
Hêzên Çekdar ên Tirk(TSK) di 24ê Nîsanê de li Şingalê operasyonek kiribû. Balafirên şerî yên Tirkiyeyê li Qereçoxa Şingalê bombe barandibûn.
“Me her dem ji her kesan re gotiye, em ê operasyonan li dijî wan kesan bikin ku ji me re tehdît in. Me hevkara xwe Amerîkayê ji operasyonê agehdar kir.
“Me li gor hevpeymana di navbera me de, du sietan ji beriya operasyonê ew agehdar kirin.
“Di hefteya dawiyê de me ji hevkarên xwe yên Amerîkanî re bi dehan caran bi rêyên leşkerî û dîplomatîk eşkere kir ku em ê operasyonê bikin.”
Amerîka: Em nerazî ne
Wezareta Karên Derve ya Amerîkayê, eşkere kir ku hevpeymanîya rêbera wê Amerîka ye, operasyona Tirkiyeyê erê nake.
Li gor nûçeya Dengê Amerîkayê, wekîlê berdevkê Wezareta Derve ya Amerîkayê, Mark Toner li ser operasyona ku Tirkiyeyê li Şingalê kir axiviye.
Donerî da zanîn ku bi wan operasyonan pêşmerge mirine.
“Koalîsyonê ew opersyona hewayî erê nekiriye. Di opersyona li dijî DAIŞê de hinek kesên ji hêzên me yên hevpeyman mirine ku em vê yekê naxwazin.
Tonerî eşkere kir ku Amerîkayê ji Tirkiyeyê re diyar kiriye li ser vê mijarê ew di fikarê de ye.
“Ev tevgerên bi vî rengî zererê dide hevpeymanên me yên şerê meydanî dikin.
BIXWÎNE: Artêşa Tirk êrîşa hewayî bir ser Şengalê û Çiyayê Qereçoxê
Erdogan: Me agahî da
Serokkomarê Recep Tayyîp Erdogan ji Reutersê re got ku ji bo vê operasyonê wan Rûsya, Amerîka û Hikûmeta Herêma Kurdistanê agehdar kiriye.
Çi bûbû?
Hêzên Çekdar ên Tirk(TSK) di şeva 24ê Nîsanê de, li Şingalê operasyoneka hewayî pêk anî û fûze barandin çiyayên Qereçoxê.(YY/MB)
