.jpg)
Romana nivîskar û rojnameger Ercument Akdenîzî ya bi navê “Kilama Herî Xweş” (En Güzel Şarkı) ji hêla Weşanxaneya KORê ve hat çapkirin. Akdenîzî beriya niha pirtûka bi navê “Karkerên Penaber” û ya bi navê “Kesên Nikarin Bisitirin” nivîsandibû û çap kiribû. Di vê romana xwe de careke din li ser xwendevanan ber bi rastiya şerî ve dikişkişîne.
Nivîskar di pirtûka xwe de behsa jiyana penaberên Sûreyiyî dike ku ji ber şer ji welatê xwe reviyane û berê xwe dane Stenbolê. Di heman demê de helwesta civaka ku penaberan xwe spartine wan nîşan dide.
Wiha dibêje dibêje yek ji lehengên roman: “Ez tiştekî din naxwazim! Ez dikarim tevlî zarokên xwe di bin konan de jî bijîm. Bes bila şer bi dawî bibe.”
“Zarokê Penaber” behsa çîroka penaberekî Afrîkayî dike
Weşanxaneya KORê di heman demê de pirtûka nivîskar Benjamin Zephaniahî ya bi navê “Zarokê Penaber” (Sığınmacı Çocuk) weşand. Weke pirtûka Ercument Akdenîzî di vê pirtûkê de jî em guh didin jiyana penaberan. Benjamin Zephaniah ji çîroka Alemê 14 salî xwendevanan ber bi çîroka penaberên Etiyopyayî ve dikişîne. Alem û malbata wî ji ber şerê navxweyî neçar dimînin ku koçber dibin. Paşê jî di jiyana wan a penaberiyê de gelek tişt tên serê wan.
Nivîskar herweha balê dikişîne ser helwesta sîstem û welatên kapîtalîst ku weke sedema vî şerî û vê penaberiyê dibîne.
Pirtûka ku 238 rûpelan pêk tê ji bo Tirkiyê ji hêla Tonguç Okî ve hatiye wergerandin. (FD)
