Yekitiya Weşangerên Kurd têkildarî zext û tacîzên polîsan ên di 8emîn Pêşangeha Pirtûkan a Amedê de daxuyanî da.
Daxuyanî li pêşiya standa Weşanxaneya Aramê hate dayin ku polîsan dest danîbû ser 4 pirtûkên wan. Gelek kes tev li daxuyaniyê bûn.
Li gorî nûçeya MAyê xwediyê Weşanxaneya Aramê û Serokê Yekitiya Weşangerên Kurd Haki Botan diyar kir ku derbarê pirtûkên polîsan dest danîne ser de tu biryarên qedexeyê negihiştine ber destê weşanxaneyê û ev tişt anî ziman:
“Em van êrişan şermezar dikin û qebûl nakin. Pirtûka Nelson Mandela ya ku behsa aştiyê dike çawa dibe sûc?”
Boltan, wiha bi dawî kir: “Ev tiştên tên kirin, nîşaneya bêtehemûliya li dijî Kurdî ye. Êriş, li dijî Kurdî ye, li dijî çanda Kurdî ye û li dijî weşangeriya Kurdî ye.”
