23EMÎN MEŞA ŞEVA FEMİNÎSTAN A STENBOLÊ
"Têkoşîna me ya femînîst jiyana me û cîhanê diguherîne"
Navnîşana 23emîn Meşa Şeva Femînîstan a Stenbolê îsal jî Taksîm bû.
Bi hezaran jin û LGBTÎ+ tevî hemû astengî û dorpêçkirinan li Kolana Sîraselvîlerê kom bûn û bi kortejan meşiyan Cîhangîrê. Daxuyaniya çapemeniyê ji aliyê Komîteya Amadekar ve li ber Otoparka Cîhangîrê hat xwendin.
Her weha daxuyanî bi Tirkî, Kurdî û Erebî hat xwendin.
🟣Li Stenbolê 23emîn Meşa Şeva Feminîstan di 8ê Adarê Roja Jinan a Cîhanî de pêk hat. Di meşê de bê navber dirûşmên weke:
— bianet Kurdî (@bianet_kurdi) March 8, 2025
"Bijî têkoşîna me ya feminîst", "Jin jiyan azadî", û "Bijî têkoşîna jinan" hatin berz kirin.
📹:@kepenekevrimm pic.twitter.com/NM1bCd4B3i
Kurdiya daxuyaniyê weha ye:
Em îro ne tenê weke bi hezaran femînîstên ku hêza guhertina jiyana xwe û cîhanê di femînîzmê de dibînin, di heman demê de bi hêza ku em ji jinên ku bi sedsalan û li çar aliyê cîhanê li dijî baviksalarî têdikoşin û li ber xwe didin distînin.
Ji aliyekî ve cîhan bi saya têkoşîna femînîst guherî. Ji aliyê din ve, piştî hemû pêşketinên ji bo wekhevî û azadiya jinan, jin hîna jî ji mêran kêmtir perwerdeyê dibînin, kêmtir kar peyda dikin, dema dixebitin kêmtir pere qezenc dikin, di malê de belaş dixebitin û hîn jî rastî tundiyê tên û ji ber dijberiya daxwazên mêran dikarin bên kuştin. Û her roj. Ji ber vê yekê em li her qadê, li her derê têdikoşin.
Li dijî yên ku pêşî li tundiya mêran nagirin lê dibêjin "jin derî ji sûcdaran re vedikin", yên ku me mehkûmî keda lênerînê û xizaniyê dikin, yên ku di bin navê xurtkirina malbatê de li şûna polîtîkayên wekheviyê hewl didin jinan bitepisînin, yên ku hewl didin homofobî û transfobîyê bikin norm, yên ku qeyûman tînin û îradeya me tune dihesibînin, li hember kesên ku êrîşî fikar û yekîtiya me dikin, dixwazin çavê me bitirsînin û tundiyê pêk bînin bijî têkoşîna me ya femînîst!
Têkoşîna me ya femînîst jiyanên me û cîhanê diguherîne!
Ev serhildan bêyî avakirina cîhanek wekhev û azad bi dawî nabe!
Bîst û Sêyemîn Meşa Şeva Femînîst a Stenbolê ya 8’ ê Adarê
Derbarê Meşa Şeva Femînîstan de
Meşa ku cara yekem di sala 2003an de pêk hat, her sal bi armanca parastina mafên jin û LGBTI+yan û têkoşîna wekheviya zayendî ya civakî bide xûyakirin tê lidarxistin. Di meşê de li dijî newekheviyên civakî dengek xurt tê bilindkirin û careke din daxwazên maf û azadiya jinan tîne rojevê.
(VC/AY)