Ji bo nûçeya Tirkî bitikîne
Stephen Hawkingê fîzîknas di 76 saliya xwe de mir. Kitêba li ser jiyana Stephen Hawkingî bi zêdetirî 40 zimanan hat weşandin. Herweha li ser jiyana wî fîlmeka bi navê “teorîya her tiştî” hat amadekirin.
Malbata Hawkingî agahiya mirina wî daxuyand. Zarokên Hawkingî, Lucy, Robert û Tim bi daxuyaniyeka nivîskî agahiya fîzîknasê navdar bi vî awayî da.
“Em xemgîn in ku îro bavê me yê ezîzê dilê me, koça dawî kir. Zanyarekê gelek mezin bû, kesayetek welê bû ku xebat û mîratên wî dê bi salan bijîn. Em ê heta hetayê bêriya wî bikin.”
Zanyarê navdar di hevpeyvînekê de ji BBCyê re gotibû wî qet hêvî nedikir ku ew ê heta 75 saliyê bijî.
Fîlmê li ser jiyana Stephen Hawkingî
Hawking bi teoriyên xwe yên li ser gerdunê binavûdeng bûye. Kitêba wî ya bi navê “Kurtedîroka Demê” yek ji kitêbên herî zêde hatîn firotin e.
(HK/MB)
