Fotograf: Hikmet Adal / bianet
Ji bo nûçeya tirkî bitikîne
Rewşeke nû ji bo 9 rojnamegerên ku di 25ê Çiriya Pêşiyê de li neh bajaran hatibûn desteserkirin û di 29ê Çiriya Paşiyê de hatibû girtin, derketiye holê.
35 roj in rojnameger girtî ne û hîna ji bo wan îdianame nehatiye amadekirin. Her weha ti karek ji bo daxwaznameya ku parêzerên wan a li dijî biryara girtina wan daye, nehatiye kirin.
Li gorî zanyariyan, ji ber ku dozger li bêhnvedanê ye, ti karek jibo daxwaznameyê nehatiye kirin û dosya jî şandine Dadweriya Aştî û Cezayî. Bêhiqûqiya heyî bi devkî ji parêzeran re gotine.
Dîsa, bêyî ku parêzerên rojnamegeran agahdar bikin, lêkolîna girtina rojnamegeran a mehane hatiye kirin. Li gorî qanûnan divê piştî girtinê bi mehekê ev lêkolîn bê kirin, lê dadweriya ku biryara girtina rojnamegeran daye, di roja 20an de lêkolîn kiriye.
Temûr: Armanc ne dadgehkirin e
Yek ji parêzerên rojnamegeran Resûl Temûr bi Zemo Aggoz, nûçegîhana Mezopotamyayê re axiviye û gotiye: “Li Enqereyê bi tenê li şahidên nepen guhdar kirine. Ev nayê wê wateyê ku di dosyayê de erkdar Enqere ye. Ji ber ku operasyon li Enqereyê hatiye birêvebirin û her diçe navenda her cûre dozên derbarê siyaseta kurdan de dibe Enqere, ev nîşan dide ku pratîkeke din a dadgehkirinê ya nû hatiye sazkirin. Armanc ne dadgehkirin e, dixwazin rasterast ji ber hev bixin û nema bikaribe kar bikin û bi vî rengî ceza bikin. Ti sedemeke din nîne ku navenda lêpirsîna derbarê çapemeniya kurdan de Enqere be.”
Temûrhi her weha diyar kir ku bêyî hayê parêzeran jê biçin lêkolîna girtîtinê kirine û dadweriya ku biryara destpêkê ya girtinê kiriye, ev lêkolîn kiriye, ev ne tesadif e.
Çi bûbû?Di çarçoveya lêpirsîna Serdozgeriya Komarî ya Enqereyê de li 9 bajaran 11 nûçegîhanên Ajansa Mezopotamya û JINNEWSê di encama bi sergirtina malan de hatibûn desteserkirin. 2emîn Dadweriya Cezê û Aştiyê ya Enqereyê, ku li ser daxwaza Serdozgeriyê ji bo dosyeyê biryara nepenîtiyê dabû. Dîsa li ser daxwaza dozgeriyê, 5emîn Dadweriya Cezê û Aştiyê ya Enqereyê 24 saetan hevdîtina bi parêzeran re qedexe kiriye. Her wiha dozgeriyê dema desteserkirina rojnamegeran rojekê dirêj kiriye. Parêzeran biryara dirêjkirina dema desteserkirinê û nepenîtiyê qebûl nekiriye. Nûçegihanên MAê Dîren Yûrtsever, Denîz Nazlim, Selman Guzelyuz, Zemo Aggoz, Bêrîvan Altan, Hakan Yalçin, Emrullah Acar û Ceylan Şahînlî û nûçegihanên JinNewsê Habîbe Eren û Oznûr Deger û Derya Ren duh hatibûn desteserkirin. Her wiha Midûra Karên Nivîsê ya MAyê Dîren Yûrtsever ku li Stenbolê û nûçegihanê MAyê Hakan Yalçin li Wanê hatibû desteserkirin. |
(HA/FD)
