Nûçegihana JINNEWSê Oznûr Deger li Taxa Îpekê ya navçeya Qosera Mêrdînê di serdegirtina malê de hate desteserkirin.
Li gorî nûçeya Ajansa Mezopotamyayê di saetên serê sibehê de hêzên taybet bi ser malê de girtin û deriyê mala Degerê şikandin û ketin hundir.
Oznûr Deger dema ji malê dihat derxistin hate derbkirin, destên wê ji piştê ve hatin kelemçekirin û li wesayîta polîsan siwar kirin.
Piştî lêgerîna li malê, polîsan dest danîn ser amûrên teknîkî yên rojnameger Oznûr Degerê. Oznûr Deger, birin Rêvebiriya Emniyetê ya Bajar. Piştî îfadeyên li Emniyetê dozger bi daxwaza girtinê Deger sewqî dadgehê kir. Dadgehê biryara girtina rojnameger Degerê da.
Hate zanîn ku Deger bi parvekirinên derbarê rojnameger Cîhan Bîlgîn û Nazîm Daştan ên di 19ê Kanûnê de li Bakurê Sûriyeyê hatin kuştin, tê sûcdarkirin.
(HA/AY)
