Pêşangeha “Crossroads 6”ê li Art On İstanbulê dest pê kiriye.
Pêşangeh ji du beşan pêk hatiye. Di beşa pêşî de berhemên sê hunermendên cuda hene; Bawer Doğanay, Özkan Işık û Hilal Can. Di beşa paşî de jî dîsa berhemên sê hunermendên cuda cî girtine; Rebuar Rezzak İlge, Nurgül Gökçen û Meliha Sözeri.
Pêşangeh wê heta 20ê Tîrmeha 2023yan vekirîbe. Kesên bixwazin dikarin ji roja sêşemê heta roja şemiyê saet di navbera 10.00 û 19.00ê de serdana pêşangehê bike.
Ji metna çapemeniyê ya pêşangehê
“Mebesta sereke ya Art On İstanbulê, armanca rêzepêşangeha Crossroadsê ew e ku ji hunermendên serbixwe re mazûbaniyê bike û her wiha rê li ber wan veke. Rêzepêşangeha Crossroadsê, vê carê bû xaçerêyeke ku ev hunermend lê bikaribin li pêşniyazên xwe yên îroyî, jîndarî û lêgerîna hilberîn û afirîneriya xwe temaşe bikin.
Ev pêşangeh li ser xaçerêya ramanên teorîk ên derbarê huner û peywira hunerê de radiweste û girîngiya fikra ku digel cudatiyên me jî em dikarin bi hev re bijîn, derdixe pêş.”
(FD)
