Ji bo nûçeya Tirkî bitikîne
Parlamentera HDPê Besîme Konca îro li Êlihê hat desteserkirin.
Konca piştî ku derket pêşberî dadgehê hat girtin.
Konca beriya niha di çarçoveya lêpirsîna ku ji hêla Serdozgeriya Komarî ya Êlihê dihate meşandin de di 13ê Kanûna Paşiyê ya 2016ê de hatibû girtin.
Konca li 2yemîn Cezayê Giran a Êlihê ji ber sûcên “endamtiya rêxistina terorê ya çekdar û propagandeya rêxistina terorê” bi awayekî girtî dihat darizandin.
Di 3ê Gulanê de di daneşîna dadgehê de bi şertê ku dernekeve ji derveyî welêt hat berdan, lê dozgeriyê îtiraz li vê biryarê kir.
3yemîn Dadgeha Cezayê Giran a Êlihê li ser vê îtirazê, di 8ê Gulanê de derbarê Konca de biryara zeftkirinê derxist.
Di vê navberê de Meclîsa Jinan a HDPê bi daxuyaniyekê diyar kir ku divê Besîme Konca demildest bê berdan.
Besîme Konca kî ye?
Besîme Konca di sala 1970yê de li Mereşê hatiye dinê. Ji sala 1993yê heta sala 2004ê, 11 salan di girtîgehê de maye.
Di sala 2014ê de, bi doza KCKyê dîsa hat girtin.
Demekê li Komeleya Kongreya Jinên Azad xebitî. di hilbijartina 2015ê de ji HDPyê wek parlamentera Sêrtê hat hilbijartin.
Parlamenterên Girtî
Li gel Fîgen Yuksekdag a ku mafê parlamenterê û endamtiya partiyê jê hat standin 11 parlamenterên HDPê girtî ne. (YY/FD)
11 Parlamenterên Girtî |
Selahattîn Demîrtaş – Hevserokê HDPê Fîgen Yuksekdag – Hevseroka HDPê (Mafê Parlamenteriya wê û endamtiya HDPê di 21ê Sibata 2017ê de jê hat standin) Idrîs Balûken – Parlamenterê Amedê Selma Irmak – Parlamentera Colemêrgê Gulser Yildirim – Parlamentera Mêrdînê Ferhat Encü – Parlamenterê Şirnexê Abdullah Zeydan – Parlamentera Colemêrgê Ayhan Bîlgen – Parlamenterê Qersê Çaglar Demîrel - Parlamentera Amedê Bûrcû Çelîk – Parlamentera Mûşê Besîme Konca - Parlamentera Sêrtê |
