Ji bo nûçeya tirkî / ingilîzî bitikîne
Dadgeha Cezayên Giran a 13. a Stenbolê Erol Onderoglu, Şebnem Korur Fincancı û Ahmet Nesin dad kirin. Di rûniştina dehem ya dadkirinê de, Erol Onderogluyî xwe parast.
Erol Onderoglû serokê Rêxistina Rojnamegerên Sînornenas e û rapornivîsê bianetê ye ku Rapora Çavdêriya li Medyayê dinivîse. Prof. Dr. Sebnem Korûr Fîncanci jî seroka Weqfa Mafên Mirovan a Tirkiyeyê ye. Ahmet Nesîn nivîskar e.
Bixwîne – Nûçeyên li ser Erol Onderoglûyî
Nobedarên Weşana Ozgûr Gûndemê, 38 rojnameger bi sûcên "propagandaya ji bo rêxistina terorî" û "çapkirin û belavkirina bang û daxuyaniyên rêxistinên terorî bi Xala 6. a Qanûna li Dijî Terorê ya 3713ê têne dadkirin.
Dema Korur Fincancı û Erol Önderoğluyî xwe parastîn.
Onderoglûyî got:
“Dozgerî bi tenê bi sernavê hin nûçeyan doz li me vekiriye. Lê belê me di ti pêngavên edîtorîyê de destkarî di wan nûçeyan de nekiriye.
“Di hemî pêvajoya dadkirinê de ti pêşketin çênebûne. Axirî ji ber îdianameyeka di rojekê de hatî amadekirin du sal û nîvên me bi dadkirinê ve çûn.
“Li Tirkiyeyê her ku diçe guvaşa li rojnamegeran xurttir û berbelavtir dibe. Ez difikirim ku ev doz jî ji bo wê yekê nimûneyek e.”
Rûştina 11. ya dadkirina Onderoglu, Korur-Fincanci û Nesîmî dê 17ê Tîrmeha 2019ê siet 10.00ê be. Korur Fîncanciyê diyar kir ku ew ê xwe di rûniştina bê de biparêze.
Erol Onderoglû kî ye?
Di sala 1969ê de li Elezîzê hatiye dinê. Beşa Fîlolojiya Fransî qedandiye. Ji sala 1996ê ve wek nûnerê Tirkiyeyê yê Rêxistina Rojnamegerên Sînornenas(RSF) kar dike.
Ji sala 2000ê ve koordînatorê piştgiriya hiqûqî yê bianetê ye ku bianet yek ji projeyên Weqfa Ragihandinê ya IPSyê ye. Ji bo bianetê Raporên Çavdêriya Li Medyayê amade dike.
Li ser navê Weqfa Ragihandinê ya IPSyê li Tevna Azadiya Xwe-îfadekirinê(IFEX) endamê Lijneya Birêvebir e.
Cemiyeta Rojnamegeran a Tirkiyeyê Xelata Azadiya Çapemeniyê da wî û Tugrul Eryilmazî.(2014)
Ji ber ku bûbû nobedarê weşana rojnameya Ozgur Gundemê, hat dadkirin û di 20ê Hezîrana 2016ê de hat girtin. 10 rojan di girtîgehê de ma û hat berdan.
Doza Ozgur Gundemê
Rojnameya Ozgur Gundemê bi Biryarnameya Di Hikmê Qanûnan de hat girtin. 3yê Adara 2016ê kampanyaya Nobedariya Berpirsiyarîya Weşanê dest pê kir. 7ê Tebaxa 2016ê kampanya bi dawî bû. 49 kes beşdarî kampanyaya nobedariyê bûn. Li ser 49 kesan lêpirsîn hat vekirin. Li ser 38 dosyeyan doz hatin vekirin. Ji bo 11 dosyeyan biryara “ne hewceyî pêçûnê ye” hatiye dayin. 38 nobedarên berpirsiyarîya weşanê bi xala 7/2(propagandaya ji bo teröre) û xala 6/2(weşandin an jî belavkirina daxuyanîyên rêxistinên terorî) yên Qanûna Têkoşîna Li Dijî Terorê hatin dadkirin. Ji bo İhsan Eliaçık, Melda Onur, Sabahat Tuncel, Ahmet Abakay, Eşber Yağmurdereli, Hasip Kaplan, Işın Eliçin, Kemal Can, Mustafa Sönmez, Uğur Karadaş, Nurcan Baysal 11 caran biryara ne hewceyî pêçûnê ye hat dayin. Li ser 38 kesan doz hat vekirin. Dema ji bo dadkirinê ji bo doza Deniz Türkali temam bûye. Ji bo 24 nobedaran; Şanar Yurdatapan, İbrahim Bodur, Cengiz Baysoy, Hüseyin Tahmaz, Çilem Küçükkeleş, Nadire Mater, Yıldırım Türker, Hasan Cemal, Faruk Balıkçı, Dicle Anter, Derya Okatan, Kumru Başer, Ayşe Batumlu, Jülide Kural, Murat Uyurkulak, Murat Çelikkan, Beyza Üstün, Nevin Erdemir, Hakkı Boltan, Hasan Hayri Şanlı, Tuğrul Eryılmaz, Hüseyin Aykol, Ayşe Düzkan, Ragıp Duran, Öncü Akgül, İhsan Çaralan, Ertuğrul Mavioğlu, Celal Başlangıç, Celalttin Can, Fehim Işık û Faruk Eren jî tê de doza 31 kesan didome. Hasan Hayri Şanlı, Nevin Erdemir, Hüseyin Tahmaz û Hakkı Boltan beraet kirine. 27 kesan li ser hev 67 hezar TL û 293 meh 15 roj cezayê girtinê stand. Ji bilî cezayê Ayşe Duzkan û Murat Çelikkanî cezayê nobedarên dî hat paşdedan an jî bi pereyan hatin guhertin. Çelikkan, 14ê Tebaxa 2017ê çû Girtîgeha Kırklareliyê, 14ê Çiriya Pêşiyê ya 2017 çû girtîgeha vekirî. 21 Çiriya Pêşiyê ya 2017ê tehliye kiriye. Dadgeha Îstinafê salek û şeş meh cezayê girtinê daye Ayşe Duzkanê û 29ê Kanûna Paşiyê ya 2019ê ji bo Girtîgeha Jinan ya Bakirkoyê hatiye şandin. Erol Önderoğlu, Ahmet Nesin û Şebnem Korur Fincancı 20ê Hezîrana 2016ê hatin girtin, piştî 10 rojan serbest bûn. Doza li ser; Erol Önderoğlu, Ahmet Nesin, Şebnem Korur Fincancı, Can Dündar, Said Sefa, Veysi Altayî didome. Berpirsê weşanê İnan Kızılkaya di her 38 dosyeyan de bersûc e. Dosyeyên li ser Kizilkayayî li doza bingehîn a Ozgur Gundemê hat zêdekirin Dadkirin li Dadgeha Cezayên Giran a Stenbolê ya 23. pêkanîn. Ji ber nivîsên Ömer Ağın, İmam Canpolat, Dilşa Kocakaya û İlham Bakırî her yek ji wan 15 meh cezayê girtinê standiye.
Nivîskarên; İmam Canpolat û İlham Bakırî salek û 3 meh cezayê girtinê standin. Cezayê Bakırî hat paşdedan lê yê Canpolatî nehat paşdedan. Nivîskarên rojnameyê; Mehmet Ali Çelebi û Hüseyin Bektaşî salek û 6 meh cezayê girtinê standine. Cezayê wan nehat paşdedan. Bi doza bingehîn ya Ozgur Gundemê endamên lijneya şêwirmend; Necmiye Alpay, Aslı Erdoğan, Ragıp Zarakolu, Filiz Koçali, Eren Keskin, midûrê weşanê Zana Kaya, İnan Kızılkaya, Kemal Sancılı û Bilge Oykut têne dadkirin. Sancılı heta 10ê Nîsana 2019ê di girtîgehê de ma. Herrweha berpirsên sabit ên berê Eren Keskin ji 47, Hüseyin Aykol ji 38 dosyeyan têne dadkirin.
(HA/MB)
