Ocalan ji bo Sirri Sureyya Onder peyamek şand
Endamên Şandeya Îmraliyê ya Partiya Wekhevî û Demokrasiyê ya Gelan (DEM Partî) Pervîn Bûldan û parêzerê Buroya Hiqûqê ya Sedsalê Faîk Ozgur Erol ji bo hevdîtina bi Rêberê PKKê Abdullah Ocalan re bikin duh çûn Îmramliyê.
Endamên şandeyê piştî hevditin kirin ji Girava Îmraliyê vegeriyan û li ber nexweşxaneya ku Sirri Sureyya Onder lê tê dermankirin daxuyanî dan.
Pervîn Bûldanê peyama Ocalan a ji bo Sirri Sureyya Onder xwend.
Peyama Ocalan a ji bo Onder weha ye:
Ji ber nexweşiya Sirri şifayên xêrê dixwazim. Ji malbat, dostên wî û heskirinên wî re dibêjim derbasî be û şifa be. Min bi Sirri Sureya Onder re 12 sal mesayî derbas kir. Girîngiya wî ev e: Ji Semsûrê ye. Ji koka Tirkmenan e. Kevneşopiya Baba Îshak temsîl dike. Hewldana aştiya mezin teyisand civakê. Di şexsê xwe de pêşdaraza civakê şikand. Pêşdaraziyên civakê şikand. Pêşdarazî di meclîsê de şikand. Li kolanê şikand. Tişta em dibêjin aştî, genên Anadoliyê û kevneşopiya Tirkmenan mayinde kirin û xistina meriyetê ye. Onder kesayetekî wisa ye. Cewherê Tirkmeniya rast jî ev e. Nasnameya herî baş a aştiyê û nasnameya herî baş a çandê ew e ku li dijî feraseta ‘Bi israr bikim dijmin û bi vê şêwazê siyasetê bikim’ tevgerandin e.
Çanda Onder a têkoşîna li dijî neyîniyan û li gel neyîniyan meşandin gelek girîng e. Neyîniyên ku derketin holê beyî wan kûr bike ew vegerandin aliyê erênî. Kesên girêdayî wî divê hewldanên wî yên aştiyê jî têxin pratîkê. Careke din ez ji bo wî, malbata wî û heskirinên wî dibêjim derbasî be. Ez hevî dikim ku demek berî demekê baş bibe û bi coş û bi hêz têkeve nava me.”
Onder saet di 22:00ê 15ê Nîsanê de ji ber pirsgirêkeke giran a dil rakirin beşa nexweşên giran a Nexweşxaneya Florence Nightingale ya Stenbolê. Onder demildest emeliyat kirin û emeliyata wî bi qasî 12 saetan dom kiribû. Xetereya li ser jiyanî wî hê jî didome.
(AEK/AY)