Meclisa Jinan a Partiya Wekhevî û Demokrasiyê (HEDEP) bernameya xwe ya 25ê Çiriya Paşiyê Roja Têkoşîna li Dijî Tundiya li Ser Jinan ya Navnetewî bi dirûşmeya "Em dest jê bernadin, em li her derê ne" li Kampusa Girtîgeha Sîncanê ku Doza Kobanê lê tê lidarxistin aşkere kir.
"Tundkariya darazê jî rastiyek e"
Berdevka Meclisa Jinan a HEDEPyê Halîde Turkoglu bal kişand ser girîngiya destpêkirina kampanyayê ya li ber girtîgehê û wiha got:
“Sedema hatina wan a vir ew e ku balê bikşînin ser Doza Kobanê ya ku girtiyên jin ên siyasî lê tên darizandin û çawa li dijî têkoşîna azadiya jinê êrîş pêk tê. Turkoglû wiha dirêjî da axaftina xwe: “Tundî amûreke ku ji aliyê desthilatdariya mêr ve tê bikaranîn e. Tundiya darazê jî wek rastiya vî welatî li pêş me ye. Hemû dozên ku îro li Sîncanê tên lidarxistin êrîşên li dijî têkoşîna azadiya jinê ne. Ji ber ku yên li vî welatî têkoşîna azadiya jinê dimeşînin, yên ku ji têkoşîna wekheviyê bawer dikin û yên ku dixwazin jiyaneke alternatîf biafrînin, serî netewandine û wê serî netewînin.”
“Daxwazên girtiyên siyasî yên jin jî daxwazên me ne. Têkoşîna azadiyê ya ku îro diparêzin, têkoşîna ku em hemû ji bo jiyana jinan diparêzin e. Di vê roja ku em weke 25'ê Mijdarê bibîr tînin de, jin wê dakevin qadan, tundiya mêr-dewletê derxin holê û ji bo daxwaz û gotinên wan li hemû cîhanê deng vede, hewl bidin. Em dixwazin li vir nîşan bidin ku îro bi rêya darazê tundiya mêr-dewletê çiqasî sîstematîk bûye."(EMK/AY)
