“Mafên jiyanî yên du zarokan hatine binpêkirin”

Ji bo nûçeya tirkî / îngilîzî bitikîne

Navenda Mafên Zarokan a Baroya Amedê têkildarî mirina du zarokên ku li Qileban, navçeya Şirnexê dema ajalan diçêrîne pê li mayînê kiribûn, daxuyanî daye.

Baroyê destnîşan kiriye ku mayîn pirsgirêka mafên mirovan e û gotiye:

“Dewleta Tirk li gor Peymana Ottawayê divê erdê ku di nav sînorê dewletê de ye ji mayînan paqij bike û xebatên zanedarkirina sivîlan pêkbîne.”

“Ji ber berpirsiyariya ku di peymanê de ye nehatiye cîbicîkirin mafên jiyanî yên du zarokan hatine binpêkirin.”

Çi bûbû ?

Li mezraya Yekmala gundê Yemîşliya Qilebana Şirnexê Yûsûf Atayê 14 salî û Caner Sakê 16 salî dema ajalan diçêrîne pê li mayînê kiribûn.

Her du zarok duh li gundê yemîşliyê hatine binaxkirin.

(AÖ/AY)