Macron: Ji bo hevdîtina Trump û Rûhanî şert û merc çêbûne

Serokomarê Fransayê Emmanuel Macronî diyar kiriye ku ji bo ku di navbera Serokê Amerîkayê Donald Trump û Serokomarê Îranê Hesen Rûhanî da hevdîtin careke din bilez dest pê bikin, şert û merc çêbûn.

Macron li New Yorkê ku ji bo Lijneya Giştî ya 74emîn a NYyê lê ye, civîna çapemeniyê li dar xistiye.

Macronî diyar kiriye ku divê Îran nebe xwediyê çeka nukleerê, krîza li Yêmenê bi dawî were, li herêmê ewlekarî were edilandin û herwiha astengkirinên aboriyê jî divê rabin. Macron herwiha destnîşan kir ku di çarçoveya Lijneya Giştî ya NYyê da ew ligel Serokê Dewleta Filistînê Mehmûd Ebas û Serokomarê Misrê Ebdulfetah es-Sîsî hat cem hev.

Macronî herwiha gotiye ku ew cuda cuda bi Serokê Amerîkayê Trump û Serokomarê Îranê Rûhanî ra jî hat cem hev û û wiha got, "(Di navbera Trump û Rûhanî da) Ji bo ku hevdîtin careke din bilez dest pê bikin, şert û merc çêbûn."

Macron bal kişandiye ku divê Îran û Amerîka êdî gavê biavêjin û wiha got, "Amerîka di hin mijaran da bêyî ku fikra wê tunebe astengkirinan (dijî Îranê) ranake."

Herwiha Macron bal kişandiye ser wê yekê ku Rûhanî niha li Amerîkayê ye û lewma jî ev yek ji bo pêkhatina hevdîtina navborî firsendek e.

(MB)

Önder Beyter   | AA