Li Hewlêrê wê Konferansa Edebiyata Nûjen a Kurdî pêk were
Ji bo nûçeya tirkî / ingilîzî bitikîne
Wezareta Rewşenbirî û Lawan ya Herêma Kurdistanê wê Yekem Konferansa Edebiyata Nûjen a Kurdî pêk bîne. Konferans di navbera 19 û 21ê Kanûna Paşiyê de li Hewlêrê wê bi rê ve biçe û gelek nivîskar, derhêner, sînemager û rojnamegerên kurd wê beşdarî festîvalê bibin.
Rayedarên ku Konferans li dar dixin ji bianet kurdiyê re gotin ku ji Tirkiyeyê jî edîtorê bianet kurdiyê Murat Bayram, helbestvan Berken Bereh, rojnameger Ali Duran Topuz, nivîskar Pinar Yildiz û derhêner Kerem Tekoglû hatine vexwendin.
Rojê çar panel wê bi rê ve biçin
Konferans 19ê Kanûna Pêşiyê li Holî Rewşenbîrî saet di 16.00ê de bi xwendina helbestan wê dest pê bike. Tevlî helbestvan Berken Berehî wê çar helbestvan di vê bernameyê de cih bigirin.
Di Konferansê de wê rojê çar panel pêk werin ku du ji wan serê sibê, du jî wê piştî nîvro be.
Edîtorê bianet kurdiyê Murat Bayram wê di panelê de behsa “rojnamegeriya edebî” bike ku di sala 2018ê de bi vê formatê pirtûka bi navê “Belkî Îşev Binive” nivîsandibû. Bayramî di pirtûka xwe de behsa wan bûyeran kiriye ku dema qedexeya derketina derve li Sûr, Farqîn, Lice, Cizîr, Silopya, Şirnex û Nisêbînê qewimîne.
Nivîskar Pinar Yildiz wê li ser xebatên kirmanckî ango zazakiyê û nivîskariya xwe ya bi vê lehceyê bisekine.
Di bernameyê de wê belgefilma Kerem Tekoglûyî were nîşandan. (FD)
Edîtorê bianet kurdiyê ye. Ji Zaningeha Marmarayê, ji beşa Rojnamegerîyê derçûye. Li Zaningeha Marmarayê di beşa Rojnamegerîyê de masterê dike. Di rojnamaya Birgünê, Dicle Haber Ajansı (DİHA), Dem Tv, Rûdaw Tv û Sputnik Kurdistanê de wek nûçegîhan, edîtor, gerînendeyê nûçeyan û şef edîtor kar kiriye. Edîtorî û redaktoriya gelek pirtûkan kiriye. Yek ji nivîskarên “E- Kitêba Rojnamegeriya Kurdî a Dijîtal”, “Ferhengoka Kurdî-Tirkî ya Nûçegihaniya Zayenda Civakî” ye. Nivîseke wî ya lêkolînê di pirtûka “Haber Analizi ve Arşiv İncelemeleriyle Türkiye’de 9 Gazete” de hatiye weşandin. Li bianetê û Botan Internationalê, di Kargehên Medyaya Kurdî de dersên dîroka çapemeniya kurdî, rojnamegeriya mafparêz û hevpeyvînan daye. Pirtûkek bi navê "Guldesteyek ji Baxê Rewanê" (Sor Yay.), yek jî bi navê "Çîrokên Şêwra Ermenan" (Cervantes Yay.) derxistiye. Xwediyê Xelata Rojnamegeriyê ya Mûsa Anterî û Rojnamegerên Çapemeniya Azad (di beşa nûçeyên kurdî de) yê sala 2023yan e.
Diyarname 29 Reşemî: Ev rojname wê her ji çar salan carekê çap bibe
Weşana kurdî ya Radyoya Swêdê piştî 23 salan bi dawî bû: “Radyo pirek bû”
Muzîka Kurdî 2023: “Nazdar Nazdar”, Koma Amed, Şivan Perwer, hunermendên jin
LI STENBOLÊ WÊ DIBISTANA MUZÎKÊ YA EGÎDÊ CIMOYÊ VEBE
“Em dixwazin Egîdê Cimoyên nû derkevin”
“Dema em li betlaneyê bûn, rêveberiya Kurdistan24ê em ji kar derxistin”
