Li herêma çend roj in berf dibare. Ji ber berfa zêde rêyên gelek gund û navçeyan hatin girtin.
Li gorî nûçeya MAyê li Wanê rêyên 560 gundan hatin girtin. Li Miksê rêya 71 gundan, li Elbakê ya 52an, li Ebexê ya 41an, li Şaxê ya 100an, li Artemêtanê ya gundekî, li Erdîşê ya 144an, li Westanê ya 40an, li Payîzavayê ya 54an, li Bêgiriyê ya 15an, li Qelqeliyê ya 33an û li Seravê jî rêya 4 gundan hatin girtin.
Colemêrg
Li navenda Colemêrgê û navçeyên wê jî ev du roj in bênavber berf dibare. Li gorî daxuyaniya Îdareya Taybet a Bajar, rêya 18 gundan û 64 mezrayan hatine girtin.
Mûş
Li Mûşê rêyên 112 gund û mezrayan ji ber berfê hatin girtin. Xebatên komên Îdareya Taybet a Bajar ên ji bo vekirina rêyan didomin. Her wiha ji bo rê cemedê negirtin xwê lê tê reşandin.
Bedlîs
Li Bedlîsê jî ev du roj in bênavber berf dibare û bandoreke neyînî li ser jiyana gel dike. Hat zanîn ku berf biqasî 70 santîman barî ye û rêya 96 gundan hatiye girtin.
Agirî
Li Agiriyê jî berfeke zêde dibare. Li navenda bajar rêya 106 taxan, li Bazîdê rêya 85 gundan, li Giyadinê ya 43an, li Avkevirê rêya 35an, li Panosê ya 51an, li Dutaxê ya 73an, li Zêtkayê ya 45an û li Xamûrê jî rêya 41 gundan hatine girtin.
Her wiha ji ber barîna berfê rêya Tendurekê ya di navbera Bazîd û Ebexê de jî hate girtin.
Qers
Li Qersê germahiya hewayê ketiye bin sifrê 16 dereceyan. Li bajar bênavber berf dibare. Li seranserî bajar nêzî 100 gundan rêyên wan hatine girtin.
