Li Herêma Kurdistanê hejmara nexweşên Covîd-19ê her ku diçe zêdetir dibe
Wezareta Tenduristiyê ya Herêma Kurdistanê ragihandiye, ku di 24 saetên dawin de 495 kes bi Covîd-19ê ketine û 8 kes jî pê mirine. Ev cara yekeme hejmarek wisa zêde li Herêma Kurdistanê bi Covîd-19ê dikevin.
Fotograf: Rûdaw
Wezareta Tenduristiyê ya Herêma Kurdistanê daneyên nû yên derbarê nexweşiya koronavirusê ango Covid-19ê de aşkere kiriye.
Li gor zanyariyên hatine eşkere kirin li Herêma Kurdistanê di 24 saetên dawî de nexweşî li 495 kesên din peyda bûye. 8 kes jî mirine. Her weha 79 nexweş baş bûne.
Test ji bo 2 hezar û 334 kesan hatiye kirin.
Li Herêma Kurdistanê li gor daneyan heta niha 8 hezar û 134 kes nexweş ketine. 271 kes bi Covîd-19ê mirine. Hejmara nexweşên baş bûne 2 hezar û 789 e. (AY/FD)
Hak odaklı, çok sesli, bağımsız gazeteciliği güçlendirmek için bianet desteğinizi bekliyor.