Li gorî TUÎKê enflasyon ji sedî 38 e û li gorî ENAGê jî ji sedî 75 e

Saziya Îstatîstîkan ya Tirkiyeyê(TUIK) û Koma Lêkolînên Enflasyonê (ENAG) daneyên enflasyona aşkere kirin.

li gorî TUÎKê di meha Adarê de enflasyon ji sedî 2,46 e û ya salane jî ji sedî 38,10 e.

Di diyarkirina rêjeya zêdekirina kirê de navîna donzdeh mehan ji sedî 51,26 hat pîvandin.

Di nava komên sereke de herî zêde rêjeya xurak, xanî û guhestinê bilind bûye. Di xurekan de rêjeya enflasyonê derketiye ji sedî 37,12, guhestin ji sedî 21,59 û di xaniyan de derketiye ji sedî 68,68.

Li gorî ENAGê ji sedî 75,20 e

Li gorî daneyên ku Koma Lêkolînên Enflasyonê (ENAG) aşkere kiriye rêjeya enflasyona meha Adarê ji sedî 3,91 e. Her weha li gorî ENAGê enflasyona salane jî ji sedî 75,20 e.

Li gorî daneyên Odeya Bazirganiyê ya Stenbolê(ITO) rêjeya enflasyona meha Adarê ji sedî 3,79 e. Her weha enflasyona salane jî ji sedî 46,23 e.

(HA/AY)