Li gor nûçeya Ajansa Anadolûyê, piştî li ber deriyê ketinê yê tesîsên Pîşesaziya Fezayê û Hewayî a Tirkan (TUSAŞ) teqîn pêk hatiye û dengê çekan hatiye bihîstin. Tesîsên navborî li navçeya Kahramankazana Enqereyê ye.
Hat diyarkirin ku personel ji ber ewlehiyê arasteyî stargehan hatine kirin. Hêzên ewlehiyê, ekîbên agirkujî û tenduristiyê çûn in cihê bûyerê.
Dîmenên pevçûna ku li piştî êrîşa li dijî tesîsên TUSAŞê derket:
🔴 Ankara’da TUSAŞ tesislerine yapılan saldırı sonrası çıkan çatışmaya dair görüntülerhttps://t.co/B2av33h6e6 pic.twitter.com/62PBMRB2Xd
— bianet (@bianet_org) October 23, 2024
Yerlikaya: Şehîd û birîndarên me hene
Wezîrê Karên Navxweyî Alî Yerlîkaya di daxuyaniya xwe ya li ser platforma medyaya civakî Xê de wiha got:
"Li dijî tesîsên tesîsên Pîşesaziya Fezayê û Hewayî a Tirkan (TUSAŞ) a ku li navçeya Kahramankazana Enqereyê ye, êrîşa terorê pêk hat. Piştî êrîşê mixabin şehîd û birîndarên me çêbûn. Rehma Xwedê li şehîdên me be û ji birîndarên me ra jî şifayê dixwazim. Raya giştî dê ji bo geşedanan were agahdarkirin. Daxuyaniyên ku ji çavkaniyên taybet tên kirin esas bigirin.”
Wezîr Tunç daxuyanî da
Wezîrê Dadê Yilmaz Tunç ragihand ku Serdozgeriya Komarî ya Enqereyê derbarê êrîşa li dijî TUSAŞê de lêpirsîna edlî da destpêkirin.
Tûnç li ser hesabê xwe yê Xê weha gotiye, "Serdozgeriya Komarî ya Enqereyê derbarê êrîşa terorê ya xayîn de lêpirsîna edlî daye destpêkirin û Alîkarek serdozger û 8 Serdozger hatine wezîfedarkirin."
Biryara qedexekirina weşanê
Serokê Lijneya Bilind a Radyo û Televîzyonan (RTÛK) Ebubekir Şahîn diyar kir ku piştî êrîşa TUSAŞê biryara qedexeya weşanê hatiye girtin.
Şahîn di parvekirina xwe ya li ser platforma medyaya civakî Xê de weha got:
“Hat tespîtkirin ku di medyaya me de ji bilî daxuyaniyên rayedarên fermî, bi taybetî ji medyaya civakî agahî û dîmenên ne piştrastkirî hene. Şert e ku weşanên propagandaya terorê dike divê demildest rawestin. Piştî raporên pisporên me yên şopandinê, kesên ku li gorî qedexeya weşanê tevnegerin, dê cezayên herî giran li wan werin sepandin."
Fotograf: Ajansa Anadolû
(VC/AY)
