Fotograf: AA
Ji bo nûçeya tirkî bitikîne
Koreya Bakur di ser bakur û rojhilatê Japonyayê re moşekeke balîstîk ceribandiye. Hikûmeta Japonyayê bi rêya Balyozxaneya Pekînê, hikûmeta Koreya Bakur hişyar kiriye.
Koreya Bakur ji sala 2017ê û vir ve di ser axa Japonyayê re moşekek balîstîk avêtiye. Wezîrê Berevaniyê yê Japonyayê Hamada Yasûkazuyî gotiye ku moşeka balîstîk 1000 hezar kîlometre bi jor ketiye û bi qasî deqîqayekê li ser Japonyayê li hewa maye.
Hamadayî her weha diyar kiriye ku moşek ji bakur û rojhilatê welêt derbas bûye û nêzîkî 4 hezar û 600 kîlometroyî çûye. Li gorî zanyariyên ku Hamadayî dane. Moşek 3 hezar û 200 kîlometro li rojhilatê Okyanûsa Pasîfîk ango Okyanûsa Mezin ketiye.
Serfermandariya Koreya Başûr jî daxuyaniyek weşandiye û gotiye ku moşeka balîstîk a nîvmenzîl ji Mupyongriya li herêma Jagangê dikeve ya li bakurê Koreya Bakur e, avêtine hêla rojhilatê.
"Biçin stargehan"
Hikûmeta Japonyayê li gorî saeta herêmî saet di 07.49 deqîqeyan de daxuyaniyek weşandiye û gotiye: "Bi qasî ku xuya dike Koreya Bakur moşekek avêtiye. Tikaye biçin stargehan."
Serokwezîzê Japonyayê Fumio Kishidayî avêtina moşekê bi gotina "çalakiyeke ku bi tundkariyê tijî ye" şîrove kiriye û şermezar kiriye.
Dîplomatê payebilind ê DYAyê li Asyaya Rojhilat û Pasîfîkî Daniel Kritenbrinî jî bûyer bi gotina, "bêtalihî" penase kiriye û gotiye, "Çîn û Rûsya berpirsiyariyên xwe baş pêk naynin, ev jî cesaretê dide Koreya Bakur." (SD/FD)
