Ji ber ku tevlî çalakiyên ji bo Îmamoglû bûne doz li 819 kesan hat vekirin

Serdozgeriya Komarî ya Stenbolê aşkere kir ku derbarê 819 kesên  beşdarî çalakiyên li dijî girtina Ekrem Îmamoglu bûne de doz hatiye vekirin û ji wan 278 kes girtî ne. Li Stenbolê piştî girtina Şaredarê Bajarê Mezin ê Stenbolê Ekrem Îmamoglû û 51 kesan xwepêşandanan dest pê kiribû.

Li gorî nûçeya Ajansa Anadolûyê, Serdozgeriya Komarî destnîşan kir ku derbarê "civîn û xwepêşandanan" ên li Stenbolê hatin kirin de 20 lêpirsînên cuda tên birêvebirin.

Her weha serdozgeriyê diyar kir ku derbarê 819 kesan de li dadgehên cezê û esliyeyê doz hatin vekirin.

Hat diyarkirin ku 10 kes jî “fîrarî” ne.

(RT/AY)