Îdianameya ku derbarê Şaredarê Şaredariya Bajarê Mezin a Stenbolê Ekrem Îmamoglû de hatiye amadekirin qebûl bû. Îdianame ji ber gotinên Îmamoglû yên derbarê Serdozgerê Komarî yê Stenbolê Akin Gurlek de hatiye amadekirin.
Yekemîn danişîn wê di 11ê Nîsanê de pêk were.
Hat diyarkirin ku Ekrem Îmamoglû di axaftina xwe ya li panelek de Serdozgerê Komarî yê Stenbolê Akîn Gûrlek kiriye hedef. 14emîn Dadgeha Cezayê Giran a Stenbolê jî gotinên Ekrem Îmamoglû weke sûc nirxand û biryara darizandina Îmamoglu da.
Îmamoglû jî di çarçoveya doza Beylîkduzuyê ya ku li Edliyeya Büyükçekmeceyê dewam dike de wê heman rojê derkeve pêşberî dadger.
Her weha Îmamoglû bi tohmeta ku “heqaret li wezîfedarê dewletê ji ber wezîfeya wî kiriye”, “gef” û “kesên ku di têkoşîna dijî terorê de cih girtine hedef nîşan daye” wê bê darizandin.
Ji ber vê yekê dozgeriyê di îdianameyê de xwestiye ku Îmamoglû ji 2 sal û 8 mehan heta 7 sal û 4 mehan bi cezayê girtîgehê were cezakirin.
(EMK/AY)
