Nivîskar Burhan Sonmez weke Serokê PENa Navnetewî hatiye hilbijartin.
Sonmezê ku ji Haymana, navçeya Konyayê ye di heman demê de endamê PENa Kurd e jî. Li gorî zanyariyan ji bilî rêveberiya PENa Kurd û PENa Tirkiyeyê bi qasî 40 PENan piştgirî dane ji bo hilbijartina Sonmezî.
Hilbijartin îro li gorî saeta Tirkiyeyê di 16.30 deqîqeyan de encam daye. Ji bilî Sonmezî, Gioconda Belli û Ben Okri endam bûn ji bo serokatiya PENa Navnetewî.
Sonmez her weha ev demek e Endamê Lijneya Rêveber a PENa Navnetewî bû.
Derbarê Bûrhan Sonmezî de*
Di sala 1965an de li Haymanayê ji dayîk bûye. Xwendina xwe ya dibistana seretayî û ya navîn li Polatlıyê qedandiye. Piştî ku li Zanîngeha Stenbolê Fakulteya Dadê qedandiye, çend salan parêzertî kiriye. Di rojname û kovarên curbicur de li ser çand û wêjeyê nivîsên wî weşîyane. Bi salan li Birîtanyayê maye.
Heta niha sê romanên Sönmezî hatine weşandin: Kuzey (Bakur) (2009), Masumlar (Hespên Reş Bayên Sorgevez) (2011), Stenbol Stenbol (Stenbol Stenbol) (2015). Hespên Reş Bayên Sorgevez di 2011’an de perûya wêjeyê ya Sedat Simavi wergirt û di heman salê de perûya romana herî serkeftî ya İzmir St. Joseph wergirt. Hespên Reş Bayên Sorgevez li Îngilîzî (Sins&Innocents), Îtalyanî (Gli Innocenti) û Sirpî (Nevini) jî hatiye wergerandin. Xelîl Semedî pirtûka wî bi navê Hespên Reş Bayên Sorgevez ji bo kurmanciyê wergerandiye û Weşanxaneya Lîsê we çap kiriye. (FD)
*Çavkanî:Weşanxaneya Lîsê
