Edîp Akbayram koça dawî kir

Muzîkjen Edîp Akbayramê ku yek ji navên girîng ên muzîka Anadolû rock û protestê ye di 75 saliya xwe de li nexweşxaneya ku lê dihat dermankirin koça dawî kir.

Rêvebirê Tenduristiyê yê Bajarê Stenbolê Doç. Dr. Abdullah Emre Guner di daxuyaniya xwe ya li ser hesabê xwe yê medyaya civakî de ragihand ku Akbayram tevî hemû mudaxeleyên tenduristiyê li Nexweşxaneya Perwerde û Lêkolînê ya Numuneyê ya Haydarpaşayê koça dawî kir. Akbayram nêzî 2 mehin li nexweşxaneya navborî dihat dermankirin.

Akbayram di nav hunermendên qedexekirî de bû

Li gorî nûçeya Ajansa Anadoluyê, hunermend Akbayram di 9ê Kanûna Paşiyê de ji nivîna ketiye xwarê û bi gumana ku xwîn li hundirê çûye birine Nexweşxaneya Perwerde û Lêkolînê ya Numuneyê ya Haydarpaşayê ya Zanîngeha Zanistên Tenduristiyê. Her weha di 10ê Kanûna Paşiyê de jî emeliyat bûbû.

Piştî derbeya 12ê Îlona 1980an, di navbera salên 1981-1988 muzîkjenî û stranên Akbayram li TRTyê hatibû qedexekirin. (TY/AY)