Aktîvîsta LGBTI+yan Îris Mozalar ji ber parvekirinên xwe yên li ser medyaya civakî di 11ê Tîrmeha 2024an de hatibû girtin û piştre serbest bû. Mozalar bi tohmeta ku “kîn û dijminahî xistiye nava gel” tê darizandin. Yekemîn danişîna doza wê îro pêk hat.
Mozalar û parêzerên wê beşdarî danişîna li 11emîn Dadgeha Cezayê Asliyeyê ya Stenbolê bûn.
Li gorî daxuyaniya Komeleya Xebatên Medya û Hiqûqê (MLSA), beriya danişînê li korîdora ku salona dadgehê lê ye, barîyer hatin danîn.
Ji bo Îrîs Mozalarê, aktîvîsta LGBTÎ+yan banga piştgiriyê hat kirin
2emîn danişîn di 26ê Sibatê de ye
Mozalarê di parastina xwe de got, "Di parvekirinên ku behsa wan tê kirin de, rexne li wê tûndkarî û cudakarîyê tê kirin ku kêsên xwedî nasnameyên cuda yên li Tirkiyeyê dijîn rûbirû dibin. Ev jî tu carî nayê wê wateyê ku “kîn û dijminahî xistiye nava gel” Min di parvekirinên xwe de fikrên xwe yên şexsî aniye ziman."
Mozalarê, diyar kir ku di dema desteserkirin û girtinê de rastî binpêkirinên mafan hatiye û her weha rastî muameleya xerab hatiye û got, "Ez daxwaz dikim ku demildest darizandina cezayî a derbarê min de bi dawî bibe û di encama darizandineke adîl de bêm beraatkirin."
Dozger nêrîna xwe pêşkêş kir û xwest bi tohmeta ku “kîn û dijminahî xistiye nava gel” Mozalar were cezakirin.
Dadgehê ji bo li dijî nêrîna dozger parastina xwe amade bikin dem da Mozalar û parêzerên wê û danişîn taloqî 26ê Sibata 2025an kir.
