Doz li rojnameger Dîren Yûrtseverê hat vekirin

Serdozgeriya Komarî ya Stenbolê, lêpirsîna derbarê Rojnameger Dîren Yurtseverê de temam kir. Lêpirsîn li ser giliyê Samî Baranê ku di Doza Kobanê de wekî şahid hatibû guhdarkirin, hat dest pê kirin.

Îdîaname, bi îdiaya ku Yurtseverê “nasnameya muxbîr aşkere kiriye ango weşandiye” hatiye amadekirin. Ji bo Dîren Yurtseverê salekê heta  3 salan cezayê girtîgehê tê xwestin.

Li gorî nûçeya Ajansa Mezopotamyayê îdianame ji aliyê 23emîn Dadgeha Cezayê Giran a Stenbolê ve hat qebûlkirin.

Dema Dîren Yûrtsever Berpirsa Karên Nivîsê ya Ajansa Mezopotamyayê (MA) bû, nûçeyên bi ser navê "Di îdianameya Kobanê de gotinên binakok ên şahidan", "Di Doza Kobanê de dê îtirafkar bên guhdarkirin" û "Şandeya dadgehê ya Doza Kobanê biryar da ku dê hefteya bê guh li îtirafkar Samîr Baran û Kerem Gokalp bike" hatibû weşandin. Di îdianameyê de ev nûçe weke sûc hatin hesibandin.

Di îdianameyê de hat diyarkirin ku Samî Baran di 2ê Kanûna 2019an de xwe "radestî hêzên ewlehiyê" kiriye û “derbarê rêxistinê de zanyarî daye, gelek kesên ku têkiliyên wan bi rêxistinê re hene teşhis kiriye” 

Di îdianameyê de hat destnîşan kirin ku bi nûçeyên navborî Samîr Baran hedef hatiye nîşandan. 

Îdîaname, bi îdiaya ku Yurtseverê “nasnameya muxbîr aşkere kiriye ango weşandiye” hatiye amadekirin. Ji bo Dîren Yurtseverê salekê heta  3 salan cezayê girtîgehê tê xwestin.