Di çarçoveya xebata ku bi Hevkariya Diyanet û Ofîsa Veguherîna Dîjîtal a Serokomariyê hat kirin de xutbeyên înê û cejnê yên Serokatiya Karên Olî bi 8 vebijarkên zimanên cuda wê li ser e-Dewletê cih bigirin.
Di nav vebijarkên ziman ên ku Serokê Karûbarên Olî Alî Erbaş eşkere kiribû de tirkî, erebî, almanî, fransî, îngilîzî, spanî, îtalî û rûsî hene.
Lê di nava 8 zimanên navborî de cih nedaye zimanê kurdî ku bi milyonan kes pê diaxivin. Ev bu sedema bertekan.
Li gorî nûçeya Rûdawê, Serokê Şaxa Amedê yê Diyanet-Senê Yilmaz xwest li bajarên kurdan xutbe bi zaravayên Kurmancî û Zazakî yên Kurdî bê dayîn.
Yilmaz got, “Li herêma me li gelek deverên kurmanc û zaza yên ku bi tirkî nizanin, gelek in. Wê demê, li van herêman xwendina xutbeyên bi kurmancî û zazakî gelek guncawtir e. “Ji ber ku gelek kesên bi tirkî nizanin hene.(EMK/AY)
