Dadgeha Bilind cezayê muebbeta girankirî yê ku li Cemal Metin Avciyê ku Pinar Gultekîn bi şewitandinê kuştibû, betal kir.
Cemal Metîn Avci di sala 2020an de li Mûglayê xwendekara zanîngehê Pinar Gultekîn bi awayekî hovane kuştibû û cezayê muebbeta girankirî li hatibû birin.
Dadgeha Bilind cezayê ku li Avci hatibû birin, betal kir.
Dadgeha Bilind diyar kiriye ku bersûc kuştina Pinarê “bi hestekî hovane” pêk neaniye û neheqî lê hatiye kirin û cezayê wî bê kêmkirin. Biryara dadgehê rastî bertekên tund ên rêxistinên jinan, parêzvanên mafên mirovan û bikarhênerên medyaya civakî hat.
Pêvajoyên dadgehê
Dadgeha herêmî cezayê muebbeta girankirî li Cemal Metîn Avci birîbû, lê ji ber tehrîka neheq cezayê wî daxistibû 23 salan.
Her weha Dadgeha Îstînafê careke din cezayê muebbeta girankirî pesend kir û 4 sal cezayê girtîgehê li birayê wî Mertcan Avcî birî.
Lêbelê Dadgeha Bilind her du ceza jî betal kir û daxwaza ji nû ve darizandinê kir.
Çi bûbû?
Pinar Gultekîna ku nişteciha Taxa Akyakayê ya Ulayê, navçeya Mûglayê 16ê Tîrmehê ji mala xwe derketiye. Pinar Gultekîn bi rêya telefonê bi Sibel Gultekîn, xwuşka xwe ya li Stenbolê re axivî ye. Lê piştî wê agahî jê nestendiye.
Sibel Gultekîn ji jiyana xwuşka xwe ketiye gumanê û bi dêya xwe Şefika Gultekînê re çûye Mûglayê. Çûne Fermandariya Qereqola Akyayakayê û gotine ku Pinar Gultekîn winda ye. Piştî serî li qereqolê dane cendermeyan dest bi lêgerînê kiriye.
