Ji bo nûçeya tirkî bitikîne
Li Licê polîsan di 21ê Adarê de zarokê bi navê Y.D. yê 14 salî bi rengekî dijyasayî desteser kiribû, îşkence lê kiribû û ew avêtibûn cihekî xalî. Piştî bûyer di medyaya mixalif de hate weşandin û kete rojeva mafparêzan, Serdozgeriya Komarî ya Licê bang li bav û parêzerê zarokê ku îşkence lê bûye kiriye.
Li gorî nûçeya Ajansa Mezopotamyayê, piştî ajansê hevpeyvîn bi malbat û parêzerê zarokê îşkence lê bûye re kirine, Serdozgeriya Komarî ya Licê telefonî xizmên zarokî kiriye û îfadeyên wan wergirtiye.
Çi bûbû?
Li gorî nûçeya Ajansa Mezopotamyayê, di 21ê Adarê de li Licê, polîsan Y.D.yê 14 salî û hevalê wî yê 10 salî dema diçûn malê sekinandine. Polîsan bêyî ku ti hincetê nişan bidin ew dane desteser kirine û “birine cihekî ewle, xwestine bi darê zorê pê bidin gotin ku ew tirk e, bi quntaxa çeke lê dane, paşê jî dest û pêyên wî girê dane û ew xistine nava kîsekî.”
Parêzerê malbatê Ramazan Karaalpî gotiye, “Nexweşxaneya Dewleê ya Licê rapora derblêdanê ji bo zarokê amade kiriye û paşê ew şandine Nexweşxaneya Tibê ya Zanîngeha Dîcleyê û metirsî heye ku çavê wî yê rastê êdî nebîne.”
Bavê zarokî jî diyar kiribû ku dema ew li nexweşxaneyê bû polîsan ji wan re gotiye “Hûn Torosên Spî dixwazin” û gef li wan xwariye.
Y. D. hîna li nexweşxaneyê tê dermankirin. (AEK/FD)
