Ji bo nûçeya Tirkî bitikîne
Koma Bajar a ku muzîka folk rockê bi Kurdî (Kurmancî, Zazakî) û bi Tirkî çêdike strana Michael Jacksonî a bi navê “They Don’t Care About Us” bi Kurdî stra. Jacksonî ev stran di sila 1995ê di albuma bi navê HIStoryê de belav kiribû û bûbû sedema gelek nîqaşan.
Dema albuma single a Jacksonî hat belavkirin, Jackson rastî wan rexneyan hat ku album li dijî Cihûyan e. Vîdeo klîpa pêşiyê ya stranê li girtîgehê hatibû kişandin û ev klîp jî hatibû rexnekirin. Jacksonî paşê daxuyaniyek belav kiribû û gotibû ku ew xelet hatiye famkirin û armanca wî şermezarkirina neftera nîjadî ye. Lê ji ber ku rexnekirin berdewam kirin, album nema hatibû firotin û Jacksonî gotinên stranê ji nû ve nivîsand û careke din belav kir. Lê kanala muzîkê MTVyê bi hinceta ku dîmenên tundkariyê tê de hene, klîba nû jî nexist nava lîsteya weşanê. Li ser vê rewşê Jacksonî tevlî derhêner Spike Lee çûn Brezilyayê û li vir klîpeke din kişandin.
Ji ber vê strana ku li hemberî nîjadperestiyê helwesteke zelal nîşan dide, Jackson rastî gefên koma bi navê Ku Klux Klanê ya nîjadperest hat. Di sala 1991yê de ji bo strana xwe ya bi navê “Black or White” jî Jacksonî rastî gefan hatibû.
Koma Bajarê strana “They Don’t Care About Us” bi navê “Bêjim em ne xema wan in” wergeran Kurdî û stra.
Bajar - Kadikoy 2017
Versiyona li Girtîgehê 1995
Munîh 1997
Gotinên stranê yên bi Kurdî û Ingilîzî wiha ye
Bêjim em ne xema wan in / They Don't Care About Us
Serê pîs, serê mirî /Skin head, dead head
Herkes bûye weke mirî /Everybody gone bad
Rewş û fena bûn / Situation, aggravation
Herkes tewandar / Everybody allegation
Li malê, li ser nûçe / In the suite, on the news
Herkes nanê seg / Everybody dog food
Teq teq, mir çû / Bang bang, shot dead
Herkes dîn bûye / Everybody's gone mad
Tenê ez dixwazim / All I wanna say is that
Bêjim em ne xema wan in / They don't really care about us
L’min xe, bîz ke /Beat me, hate me
Tu nikarî mi bixînî / You can never break me
Mi bixwaze, bitirsîne / Will me, thrill me
Tu nikarî mi bikujî / You can never kill me
Cihû me, mi bavêje / Jew me, sue me
Herkes were ser min / Everybody do me
Pehîn ke, lê xe / Kick me, kike me
Qet nebêje reş û spî / Don't you black or white me
Tenê ez dixwazim / All I wanna say is that
Bêjim em ne xema wan in / They don't really care about us
Ka bêje çi hat l’jiyana min / Tell me what has become of my life
Jin û zarokêm hez dikin j’min / I have a wife and two children who love me
Ez qurbanê şiddeta polis im were / I am the victim of police brutality, now
Ez qurbanê nefretê me, bes e
Naxwazim bibim qurbanê nefretê / I'm tired of being the victim of hate
We tecawizî rûmeta min kir ax/ You're ripping me off my pride
Ax ji bo Xwedê / Oh, for God's sake
Bila êdî qiyameta we were, herin o / I look to heaven to fulfill its prophecy...
Me berdin / Set me free
Tu zanî ez nefret dikim bêjim Hukimet naxwaze bibîne lê / Some things in life they just don't wanna see
Lê heke Martin Luther sax ba / But if Martin Luther was living
Ew ê nehişta wisa ba na na / He wouldn't let this be, no, no
Derbarê Bajarê de
Koma muzîkê ye û weke proje ya Civaka Hunerên Pêşanî ya Bogazîçiyê hatiye avakirin. Kom muzîka folk rock a bi Kurdî (Kurmancî, Zazakî) û Tirkî çêdike. Stranbêj Vedat Yildirim û Bûrak Korûcû, di elektro gîtarê de Cansûn Kuçukturk, di bas gîtarê de Arî Hergel, di klavyeyê de Ferhat Guneş û di daholê de Erdem Goymen endamên komê ne.
Albumên wan: Nêzbe (2009, Kalan Muzik), B’xêr Hatî (2012, Kalan Muzik).
* Wergêr: youtube / her yerde müzik
