Ji bo nûçeya tirkî bitikîne
Li Marmarîsê, navçeya Mûglayê Parka Onmega Dolphinê bi temamî hatiye girtin. Demeke berê liv ir pênc fînmasî ango delfîn miribû.
Onmega Dolphin Park ji bo kêfê û terapiyê hatibû vekirin.
Li dijî bikaranîna fînmasiyan Platforma Azadiya ji bo Fînmasiyan (YOP) û Komîteya Çavdêriya li Mafên Ajalan (HAKIM) dest bi têkoşîneke hiqûqê kiribûn û di encamê de jî park hatibû girtin. Lê Wezareta peywendîdar ti ceza nedabû xwediyên parke.
Derketibû holê ku hin platformên li avahiyê bêyî destûra qanûnî hatine çêkirin û doz li dijî vê jî hatibû vekirin. Saziyên peywendîdar di doza xwe de biser ketibûn û piştî vê encamê hemû tiştên di nava deryayê de hatibûn lêkirin, hatine xerakirin.
Rêxistinên ajalparêz ji ber pêkanînên dijyasayî yên bi delîlan hatine diyarkirin, wê giliyên rayedarên wezareta peywendîdar û klînîkên veterîneriyê bikin.
YOP ve HAKIMê di gilînameyên xwe de diyar kirine ku herdu fînmasiyên sax mane, divê demildest kontrola tenduristiyê li wan bê kirin û bên parastin. Lê derketibû holê ku beriya park bê girtin bi mehan ew birine navendeke din a fînmasiyan a li Antalyayê. (AÖ/FD)