Ji bo nûçeya tirkî bitikîne
Li Santiagoya paytexta Şîlîyê piştî zêdekirina heqê veguhestinê (heqê rê) protesto hatibûn kirin. Di protestoyan de 8 kes mirine.
Ji ber xwepêşandanan li eyaletên wek Santiago û Chacabuco û herêmên wekî Puente Alto û San Bernardo “rewşa hewargihandinê” hatiye ragihandin. Derketina derve hatiye qedexekirin. Piştî erdheja 2010an ev cara yekem e leşker derketine kolanan.
Li gor çapemenîya Şîlîyê dema ku konfeksîyoneke li herêma Renca ku nêzî Santiagoyê ye hatiye şêlandin agir pê ketiye û pênc kesan jiyana xwe ji dest daye.
Li herêma San Bernardoya girêdayî Santiagoyê dema supermarketek hatiye şêlandin dîsa agir pê ketiye û li wir jî sê kesan jiyana xwe ji dest daye.
Hejmara xwepêşandêrên heta niha hatine girtin jî ji 1400î zêdetir e.
Em bi dijminên hov re şerî dikin
Ji ber xwepêşandanan li hin deveran dibistan dê neyên vekirin û seferên gelek balafirên ji bo Santiagoya paytext jî hatine betalkirin.
Serokê Dewleta Şîlîyê Sebastian Pinera jî daxuyanîyekê daye û gotiye “Welatê me li hemberî dijmênên hov û dijwar ku rêz li ber jiyana mirovan an jî milkê mirovan nagirin şer dike.”
Çi bûbû?
Li Santiagoyê ji bo metroya ku di warê veguhanîyê de gelek girîng e ji bo hin saetan biryara ji sedî 4 zêdekirina heqê rê hatibû dayîn û ji ber vê yekê; protestoyên ku di destpêka hefteyê de bi ‘xwehilavêtina di ser tûrnîkeyan de’ dest pê kiribûn, piştî hêzên ewlekarîyê bi awayekî tund kesên xwe di ser tûrnîkeyan de hil avêtibûn û heq nedabûn derxistibûn protesto veguhezîbûn xwepêşandanan.
(HA/GN/MB)
*Gernas Nenasî ev nûçe ji tirkî wergerandiye.