Ji bo nûçeya tirkî / ingilîzî bitikîne
HDPyê li hemberî encamên hilbijartina herêmî yên li Mûşê îtiraz kiriye û serî li Lijneya Hilbijartinê ya bajarî daye. Di vê navberê de Walîtiyê çalakiyên mîna civîn, meş, xwenîşandan û daxuyaniyên çapemeniyê heta 15 rojan qedexe kiriye.
Walîtiyê derbarê mijarê de daxuyaniyek nivîskî belav kiriye û tê de wiha gotiye ku “Me zanyarî bi dest xistine ku rêxistin û şexsên piştgiriya terorê dikin wê bi curbecur sedeman çalakiyên provokatîv çêbikin, bi vê ermancê wê civîn, meşên xwenîşandanê û daxuyaniyên çapemeniyê jî tê de gelek çalakiyan li dar bixin û di vê çarçoveyê de amadekariya çalakiyan dikin”.
Walîtiyê diyar kiriye ku qedexe 1ê Nîsana 2019ê dest pê kiriye û wê heta 15 rojan berdewam bike.
Sakik: Me îtirazên xwe kiriye
Sirri Sakki, namzetê Şaredariya Mûşê yê HDPyî diyar kiriye ku li gorî lêkolînên wan di 103 sendoqan de şaşîtî hene. Bi giştî 2 hezar û 500 deng hatine betalkirin. Ji ber wê jî wan serî li Lijneha Hilbijartian bajarî dane.
611 deng di navberê de heye
Li gorî encamên nefermî Feyat Asya, namzetê Akpyê ji sedî 34,83 (15 hezar û 914) deng bi dest xistiye. Rêjeya dengên Sirri Sakikî jî ji sedî 33,49 (15 hezar û 303) e. Şerafettîn Yatçi, namzetê serbixwe ji sedî 26,75 deng derxistiye. (HA/FD)