Fotograf: AA Arşîv
Ji bo nûçeya tirkî bitikîne
Li nêzîkî Girava Lampedûsayê ya Îtalyayê belemeke koçberan noqî avê bûye, di encamê de 41 kes mirine.
Li gorî nûçeya ku AAyê ji ajansa nûçeyan a ANSAyê ya Îtalyayê ragihandiye, belem ji bajarê Safakes ê Tûnûsî bi rê ketiye û li nêzîkî Girava Lampedûsayê noqî avê bûye.
Di encamê de 41 kes mirine. Tîmên Ewlehiyê yên Peravan 4 penaber rizgar kirine.
Kesên rizgarbûyî gotiye ku ew 45 kes bûn û di nava wan de 3 zarok hebûn.
Li gorî zanyariyan, piştî belem bi rê ketiye bi 6 saetan, pêlên deryayê ew noqî avê kirine.
Derdora Girava Lampedûsayê ya Îtalyayê yek ji wan cihan e ku çûnûhatina penaberan gelekî zêde ye. Di 6ê Tebaxê de jî belemek noqî avê bûbû û di encamê de ceseda jinekê û zarokekî/ê ji nav avê derxistibûn.
Li gorî daneyên Rêxistina Koçberiyê ya Navnetewî (IOM) ji sala 2014an û vir ve 14 hezar kesên ku dixwestin ji Libya û Tûnûsê biçin Îtalyayê yan mirine yan jî di deryayê de winda bûne. (RT/FD)