Ji bo nûçeya tirkî bitikîne
Endamên juriyê yên beşa pêşbirka esasî yên 72yem Festîvala Cannesê hatine hilbijartin. Alejandro Gonzalez Iñárritu, derhênerê meksîkî weke serokê jûriyê hatiye diyarkirin. Endamên din ên juriyê ji nava “çar jinan, çar mêran, çar parzemîn û çar welatan” hatine hilbijartin.
Endamên din ên juriyê ev in: lîstikvana amerîkî Elle Faning, lîstikvan û derhênera Burkina Maimouna N’Diaye, derhêner û senarîsta amerîkî Kelly Recihardt, derhêner û senarîsta îtalî Alice Rohrwacher, nivîskarê xêzeromanan û derhênerê fransizî Enki Bilal, derhêner û senarîstê fransizî Robin Campillo, derhener û senarîstî yewnanî Yorgos Lanthimos û derhênerê polonyayî Pawel Pawlikowski.
Îsal wê Xelata Rûmetê ya Palmiyeya Zêrîn ya Festivala Filman a Cannesê bidin Alain Delonî.
Festîval wê di 14ê Gulanê de bi filmê The Dead Don’t Die yê Jim Jarmusch dest pê bike û heta 25ê Gulanê berdewam bike.
Filmên din ên ku wê bikevin pêşbirkê ev in:
The Dead Don't Die - Jim Jarmusch
Dolor y Gloria - Pedro Almodóvar
Il Traditore - Marco Bellocchio
Nan Fang Che Zhan De Ju Hu - Diao Yinan
Gisaengchung - Bong Joon Ho
Le Jeune Ahmed - Jean-Pierre Dardenne&Luc Dardenne
Roubaix, Une Lumiere - Arnaud Desplechin
Atlantique - Mati Diop
Matthias et Maxime - Xavier Dolan
Little Joe - Jessica Hausner
Sorry We Missed You - Ken Loach
Les Miserables - Ladj Ly
A Hidden Life - Terrence Malick
Bacurau - Kleber Mendonça Filho & Juliano Dornelles
La Gomera - Corneliu Porumboiu
Frankie -Ira Sachs
Portrait de la Fille en Feu - Céline Sciamma
It Must Be Heaven - Elia Suleiman
Sibyl - Justine Triet
Derbarê Alejandro Gonzalez Iñárrituyî de
Bi filmê Amores peros (Evînên weslewesle û kûçik) di sala 2000î de navê wî hatibû bihîstin. Derhênerê meksîkî ye. Filmê wî yê 21 Grams (2003), Babel (2006), Biutiful (2010), Birdman (2014), Vejîn (2015) hin filmên wî yên bi nav û deng in. Filmê wî yê bi navê Evînên weslewesle û kûçik ji Cannesê du xelat wergirtiye. Filmê Babelê dîsa di Festîvala Filman a Cannesê de Xelata Derhênerê Herî Serkeftî sendiye. Sala 2015ê bi filmê bi navê Birdmanê di Xelatên Akademiyê de Xelata Derhênerê Herî Serkeftî, Filmê Herî Serkeftî û Senaryoya Herî Serkeftî wergirtine. |
(AO/FD)